Tamil Movies Review and gossip about actress and actor

தமிழ், தெலுங்கு படங்களில் நடித்துக்கொண்டிருந்தபோது காதல், திருமணம் போன்ற எதைப்பற்றியும வாய் திறக்காமல் காலத்தை ஓட்டிக்கொண்டிருந்த இலியானா, பாலிவுட் படங்களில் நடிக்கத் தொடங்கியபிறகு துணிச்சலாக பேட்டி தரத் தொடங்கினார்.

‘திருமணம் செய்து கொண்டால் வாழும்வரை ஒன்றாக சேர்ந்து வாழ வேண்டும். திருமணம் செய்துகொள்ளாமல் கணவன் மனைவியாக சேர்ந்திருந்தால் எப்போது வேண்டுமானாலும் பிரிந்து செல்லலாம். திருமணம் என்பது விமானத்தில் பயணம் செய்வதுபோன்றது. ஒருமுறை விமானத்தில் ஏறி அமர்ந்துவிட்டால் நடுவழியில் இறங்க முடியாது’ என்றார் இலியானா. திருமணத்தின் மீது நம்பிக்கையை இழக்கச் செய்யும் வகையில் அவர் தெரிவித்திருக்கும் கருத்து சர்ச்சையை ஏற்படுத்தி உள்ளது. இதற்கு முன், திருமணத்தில் நம்பிக்கை இல்லை என கமல்ஹாசன் கூறியிருந்தது குறிப்பிடத்தக்கது.

தந்தை கமல் எவ்வழியோ அவ்வழியில் ஸ்ருதிஹாசன். தனது ரசிகர் மன்றத்தை திடீரென்று கலைத்து, அதை நற்பணி இயக்கமாக அறிவித்தவர் கமல். இப்போது அவரது ரசிகர்கள் நற்பணியில் ஈடுபடுகின்றனர். அதுபோல் ஸ்ருதியும் இறங்கியுள்ளார்.

தனது ரசிகர்கள் வெறும் ரசிப்புத் தன்மையுடன் மட்டும் இருந்தால் போதாது, அவர்கள் நற்பணி யிலும் ஈடுபட விரும்புகிறார். அப்படி ஈடுபட்டவர்கள், தாங்கள் செய்த நற்பணிகளைப் பற்றி தகுந்த ஆதாரத்துடன் அனுப்பினால், அவர்களுக்கு தன் கையெழுத்து போட்ட புகைப்படத்தையும், நன்றிக் கடிதத்தையும் அனுப்பி வைக்க முடிவு செய்துள்ளார் –

ரகுவின்டே சொந்தம் ரஸியா, ஐடியல் கப்பில் என இரண்டு மலையாளப்படங்களில் நடித்த நிலையில், சுந்தரபாண்டியன் படத்தின் மூலம் தமிழில் கதாநாயகியாக அறிமுகமானவர் நடிகை லட்சுமிமேனன்.

தொடர்ந்து கும்கி, குட்டிப்புலி, பாண்டியநாடு, நான் சிவப்பு மனிதன், மஞ்சப்பை, ஜிகர்தண்டா போன்ற படங்களில் நடித்தார். 18 வயதான லட்சுமிமேனன் தற்போது கொம்பன், சிப்பாய் படங்களில் நடித்து வருகிறார்.

இந்நிலையில், நான் சினிமாவை விட்டு விரைவில் விலக இருக்கிறேன் என்று ஒரு பேட்டியில் தெரிவித்திருக்கிறார் லட்சுமிமேனன்.

நிறைய படங்களில் கிராமத்து பெண்ணாகவும், பக்கத்து வீட்டில் வசிக்கும் பெண் மாதிரியுமான கேரக்டர்களிலும் நடித்து எனக்கு போரடித்துவிட்டது. தொடர்ந்து எல்லாப்படங்களிலும் அதே போன்ற வேடங்களில் நடிக்கவே எனக்கு வாய்ப்புகளும் வருகின்றன. இது எனக்கு பிடிக்கவில்லை. ஒரே மாதிரி வேடங்களில் நடித்து போரடித்து விட்டது. எனவே தான் சினிமாவில் நடிப்பதை தற்காலிகமாக நிறுத்திவிட்டு இனிமேல் படிப்பில் கவனம் செலுத்தப் போகிறேன்.

தற்போது பிளஸ்-2 படிக்கிறேன். தேர்வில் நிறைய மதிப்பெண்கள் வாங்க வேண்டும், என்பதே இப்போதைய நோக்கம். ப்ளஸ் டூவுக்குப் பிறகு கல்லூரியில் ஆங்கில இலக்கியம் படிக்க முடிவு செய்துள்ளேன். அதன்பிறகு ஃபேஷன் டிசைனர் ஆக வேண்டும் என்றும் நினைத்திருக்கிறேன். மறுபடி சினிமாவுக்கு வந்தாலும் நடிகையாக இல்லாமல் ஃபேஷன் டிசைனராக இருக்க ஆசைப்படுகிறேன் என்று லட்சுமிமேனன் அளித்த பேட்டி பரபரப்பை ஏற்படுத்தி இருக்கிறது.

சினிமாவில் கதாநாயகியாக நடிக்கும் வாய்ப்பு அத்தனை எளிதில் யாருக்கும் கிடைத்துவிடுவதில்லை. அப்படியே கிடைத்தாலும், நடித்த படங்கள் எல்லாம் வெற்றியடைந்து முன்னணி நடிகையாகும் அதிர்ஷ்டம் அமையாது. லட்சுமிமேனனுக்கு இதெல்லாம் 15 வயதிலேயே சாத்தியப்பட்டது.

அதுமட்டுமல்ல, படங்களில் நடிக்க பல லட்சங்கள் சம்பளம் வாங்கியதால் தற்போது கோடீஸ்வரியாக இருக்கிறார். இப்படி பணத்தையும், புகழையும் கொடுத்த சினிமாவை லட்சுமி மேனன் உதறுவதற்கு என்ன காரணம்?

படிப்புக்காக என்பதையும், பாவாடை தாவணி போராடித்துவிட்டது என்று அவர் சொல்வதையும் நம்ப முடியவில்லை. ஒருவேளை அவருடன் நடித்த ஹீரோக்கள் கொடுத்த செக்ஸ் தொல்லை காரணமாக மனம் வெறுத்து சினிமாவுக்கு குட்பை சொல்கிறரா? என்ற கேள்வி எழுவதை தவிர்க்க முடியவில்லை.

லட்சுமி மேனன் உடன் இணைந்து நடித்த ஹீரோக்கள் விக்ரம் பிரபு (கும்கி), சசிகுமார் (சுந்தர பாண்டியன், குட்டிப்புலி,), விஷால் (பாண்டிநாடு, நான் சிவப்பு மனிதன்), சித்தார்த் (ஜிகர்தண்டா), விமல் (மஞ்சப்பை), கௌதம் கார்த்திக் (சிப்பாய்), கார்த்தி (கொம்பன்) ஆகிய ஏழு ஹீரோக்கள் தான்.

இவர்களில் யாரோ ஒருவரால் பாலியல் தொல்லைக்கு ஆளானதால் இப்படி ஒரு முடிவை லட்சுமி மேனன் எடுத்தாரா? அல்லது அரசியல்வாதிகள், அதிகாரிகள், தொழிலதிபர்கள், கல்வித் தந்தைகளின் அழைப்புக்கு அஞ்சி நடிப்பே வேண்டாம் என்ற முடிவுக்கு வந்துவிட்டாரா? என துப்பறியும் வேலையை தொடங்கி இருகிறது கோடம்பாக்கம்.

சிங்கம், சிங்கம் 2 படங்களின் வெற்றியை அடுத்து மீண்டும் சூர்யா-ஹரி கூட்டணியில் சிங்கம் 3 விரைவில் உருவாக இருப்பதாக செய்திகள் வெளிவந்து கொண்டிருக்கின்றது.

இந்நிலையில் இந்த படத்தின் முதல் இரண்டு படங்களில் நடித்த ராசியான நடிகையான அனுஷ்காவை மூன்றாவது பாகத்திலும் நடிக்க வைக்க ஹரி முயற்சி செய்வதாக தகவல்கள் கூறுகின்றன.

முதல் இரண்டு படங்களிலும் சூர்யா-அனுஷ்காவின் கெமிஸ்ட்ரி ஒர்க் அவுட் ஆனதை ஒட்டி மூன்றாவது பாகத்திலும் இருவரும் இணைந்தால் படத்தின் வெற்றிக்கு பெரும் உதவியாக இருக்கும் என ஹரியின் தரப்பு கருதுகிறது. மேலும் தற்போது அனுஷ்கா, ருத்ரம்மாதேவி, பாஹுபாலி ஆகிய படங்களில் நடித்து வரும் நிலையில், தற்போது இன்னும் பெயர் வைக்கப்படாத ராகவேந்திர ராவ் அவர்களின் மகன் பிரகாஷ் படத்தில் இரட்டை வேடத்தில் நடிக்க ஒப்புக்கொண்டுள்ளதாக கூறப்படுகிறது.

இவ்வருட இறுதியில் சிங்கம் 3 படப்பிடிப்பு ஆரம்பமாகும் என எதிர்பார்க்கப்படுகிறது. , அதற்குள் சூர்யா தற்போது நடித்து கொண்டிருக்கும் மாஸ் மற்றும் விரைவில் ஆரம்பமாகவுள்ள பாண்டிராஜ் படம் ஆகியவற்றை முடித்துவிடுவார் என கூறப்படுகிறது.

திரையுலகத்தைச் சேர்ந்தவர் என்றாலே பல திருமணம் செய்து கொள்வார்கள், இல்லை திருமணமே செய்து கொள்ளாமல் சுற்றிவிட்டு கடைசியில் பிரேக் அப் என்று சொல்வார்கள். இது இன்று நேற்றல்ல, ஆரம்ப முதலே இருந்து வரும் ஒரு விஷயம் தான்.

இன்று நாம் அப்படி பல திருமணம் செய்து கொண்ட நடிகர் நடிகைகள் பற்றிதான் தெரிந்து கொள்ள இருக்கின்றோம்.

எம்.ஜி.ஆர்

எம்.ஜி.ஆர் அவர்களுக்கு மூன்று திருமணம் நடந்துள்ளது. அவர் முதலில் தங்கமணியை மணந்தார், அவர் இறந்த பின் இரண்டாவதாக சதானந்தவதி என்பதை மணந்தார். அவரும் நோய் காரணமாக இறந்தார். இறுதியாக தமிழ் நடிகையான வி.என். ஜானகி அவர்களை மணந்தார்.

கமல்ஹாசன்

திருமணம் செய்யாமல் ஒன்றாக வாழும் ‘லிவ்விங் டு கெதர்’ முறையை தமிழ்நாட்டில் இவர்தான் அறிமுகப்படுத்தினார் என்றே கூறலாம். தனது 24 வயதில் வாணி கணபதி என்பவரை மணந்து, பத்து வருடங்களுக்கு பின் விவாகரத்து செய்துவிட்டு, பின் நடிகை சரிகாவுடன் சில நாட்கள் ஒன்றாக வாழ்ந்து வந்தார். ஸ்ருதிஹாசன் பிறந்த பின்னர் சரிகாவை மணந்தார். தற்போது கமல்ஹாசன் கௌதமியுடன் ஒன்றாக வாழ்ந்து வருகிறார்.

ஸ்ரீதேவி

நடிகை ஸ்ரீதேவி, நடிகர் சக்ரவர்த்தியை ரகசியமாக திருமணம் செய்து கொண்டார். பின் தயாரிப்பாளர் போனி கபூரை இரண்டாவதாக மணந்து வாழ்ந்து வருகிறார்.

லட்சுமி

நடிகை லட்சுமி 1969-ல் பாஸ்கர் என்பவரை திருமணம் செய்தார். பின் அவரை விவாகரத்து செய்துவிட்டு, நடிகர் மோகன் சர்மாவை 1975-ல் திருமணம் செய்து, 1980-ல் விவாகரத்து செய்துவிட்டார். பிறகு நடிகரும், இயக்குநருமான கே.எஸ். சிவசந்திரனை காதலித்து 1989 ஆம் ஆண்டு திருமணம் செய்து கொண்டார்.

ராதிகா

நடிகை ராதிகா முதலில் 1985 ஆம் ஆண்டு இயக்குநர் பிரதாப்பை திருமணம் செய்து, 1986-ல் விவாகரத்து செய்துவிட்டார். பின் ரிச்சாட்டு ஹார்டி என்பவரை லண்டனில் 1990 ஆம் ஆண்டு திருமணம் புரிந்து, 1992-ல் விவாகரத்து செய்துவிட்டார். இறுதியில் நடிகர் சரத்குமாரை காதலித்து 2001 ஆம் ஆண்டு திருமணம் செய்து கொண்டார்.

கார்த்திக்

நடிகர் கார்த்திக் 1988-ல் நடிகை ராகினியை மணந்து, பின் ராகினியின் சகோதரியான ரதியை 1992-ல் திருமணம் புரிந்தார்.

பிரகாஷ் ராஜ்

பிரகாஷ் ராஜ் லலிதா குமாரி என்பவரை 1994 ஆம் ஆண்டு மணந்தார். பின் அவர் தனது முதல் மனைவியை 2009-ல் விவாகரத்து செய்துவிட்டு, 2010 ஆம் ஆண்டு ஆகஸ்ட் மாதம் போனி வெர்மாவை காதலித்து திருமணம் செய்து கொண்டார்.

அஜித் நடிப்பில் வெளிவந்துள்ள ‘என்னை அறிந்தால்’ படம் முதல்நாள்முதலே வசூலிலும், பாக்ஸ் ஆபீசிலும் ஹிட் அடித்துள்ளது. முதல்நாள் வசூலில் இரண்டாம் இடத்தை பிடித்துள்ள இப்படம் ரசிகர்கள் மத்தியில் பெரும் வரவேற்பு பெற்று வருகிறது.

‘என்னை அறிந்தால்’ படம் குறித்து ரசிகர்கள் மத்தியிலும், விமர்சகர்கள் மத்தியிலும் பாசிட்டிவான விமர்சனங்கள் எழுந்தாலும், படத்தின் நீளம் குறித்த நெகட்டிவான விமர்சனங்களும் எல்லோர் மத்தியிலும் கேள்வியாக எழுந்துள்ளது. படத்தின் முன்பாதி சற்று நீளமாக இருப்பதால், அதனை கொஞ்சம் குறைத்தால் விறுவிறுப்பாக ரசிக்கும்படியாக இருக்கும் என அனைவரும் கூறியுள்ளதால் படத்தின் நீளத்தை குறைக்க படக்குழுவினர் முடிவு செய்தனர்.